Medihospes

Assisténtzia Spetzialìstica

Italiano

Sardo

Home

Servìtziu

Carta de is Servìtzius

Normativa

Calidadi

Su servìtziu torrat scera a sa netzessidadi de fai cuncretu su ''diritu a su stúdiu'' po is scientis disàbbilis e de fai nasci in is scientis cun disabbilidadi, is potentzialidadis sótzius relatzionalis, de comunicatzioni, de aprendimentu, e duncas de integratzioni prena in su cuntestu de sa scola.
Su servítziu de assistèntzia scolàstica a is disàbbilis si pretzit in una fasi de incarreru (dimanda de servítziu, scioberu de s'educadori, ammostadura de su casu, presentatzioni de s'educadori) e is primus tempus de ativatzioni, funt miraus a s'anàlisi de is abisòngius e a sa creatzioni de una relatzioni costrutiva cun su scienti, sa famíllia e is figuras scolàsticas.
Custa relatzioni diventat sa basi de incarreru e una aina de primori po is interventus educativus de fai. Impari a is àteras figuras professionalis interessadas, s'assistenti educadori ammaniat unu Progetu Educativu Individualizau (PEI) e si detzidit, asuba de sa basi de is cómpitus e de is ruolus definius in cussu, sa programatzioni de is interventus. Is prestatzionis funt fatas aintru de is iscolas innui andant is minoreddus disàbbilis. S'assistenti educativu culturali cun is cumpetèntzias chi tenit, trabballat in su cuntestu de sa PEI de su scienti disàbbili, impari cun is maistus de su scienti e su personali de sa scola cun s'obbietivu de fai partetzipai su scienti a totus is atividadis de sa scola, de discansu e formativas chi nci funt in is POF (Pianu de s'Oferta Formativa). In prus si trabballat po su percursu de autonomia de su disàbbili po su chi pertocat s'achisitzioni de is cumpetèntzias igienicusanidàrias.

Costus

Is umperadoris no pagant

Cuntatus

Coordinadori de àrea

Dott.ssa Valentina Paciullo

Tel. 329-5450521

mail: valentina.paciullo@medihospes.it

Tarea

Su servítziu de Assisténtzia Educativa Scolàstica est unu servítziu de agiudu a s'istrutzioni chi previdit s'interventu de unu assistenti-educadori a favori de unu scienti disàbbili in sa scola po:

Agiudai in su percursu de integratzioni scolàstica de is scientis disàbbilis
Po favoressi e afortiai sa sotzializatzioni, sa relatzioni e s'integratzioni de is fedalis
Po prumovi e afortiai is livellus diferentis de autonomia pessonali e sotziali
Po favoressi is raportus intra scienti disàbbili e is figuras diferentis chi nci funt in iscola
Po favoressi sa partetzipatzioni a is atividadis scolàsticas diferentis, apranendi s'espressioni de is abisòngius e is esperiéntzias de vida, avalorendi is risorsas e is potentzialidadis.

Prestatzionis

Is tipologias de is prestatzionis assiguradas funt:

de servítziu educativu
de assisténtzia a sa comunicatzioni
de agiudu a su scienti in classi, aintru de sa scola, o a foras de sa scola po acontéssius organizaus de sa scola (po esèmpiu, bessidas scolàsticas)
de assisténtzia in s'àrea de s'autonomia pessonali
de agiudu a s'integratzioni in sa truma de is paris, cun sa proposta de atividadis de animatzioni puru, chi interessint su scienti disàbbili

Modalidadis operativas

Ruolus, funtzionis, cumpeténtzias e modalidadi de trabballu

S'esperiéntzia e su ''know how'' achirius si permitint de gestiri su servítziu in manera integrada, moderna, dinàmica e trasparenti, boghendindi su blocu de is raportus intra clienti e fornidori, privilegendi una ''partnership'' ativa e pronta sémpiri a mudai sa visioni sua po fai fronti, in manera eficàtzi, a esigéntzias chi càmbiant fatu fatu.

Organizatzioni

Su servítziu ddu garàntit una truma multidisciplinari, fata de is figuras professionalis chi sighint:

cordinadori
educadori professionali
assistenti a sa comunicatzioni non verbali

Is printzípius de prus importu de sa metodologia de integratzioni chi si umperant funt:

su cordinamentu e s'arrelatu de is professionalidadis vàrias interessadas in sa cura de s'umperadori cun sa partetzipatzioni e sa cumpartzidura de is obbietivus;

s'acóstiu multidisciplinari, partendi de sa cunstatatzioni de sa genia cumplessa de is abisóngius, chi tenit netzessidadi de una ligidura multidisciplinari e intersetoriali. Po pesai su livellu de calidadi garanteus in aciunta sa preséntzia de:

Responsàbbili Operativu Reg. Sardigna: po curai is raportus prus istitutzionalis
Resp. Are Disabbilidadi: po averiguai s'eficàtzia de sa calidadi de su trabballu fatu
Tennostrutura: fata de professionalidadis de s'àrea dirigentziali po agiudai sa gestioni de su servítziu a prus livellus
Team de circa àrea disabbilidadi: fatu de professionalidadis diferentis po s'agiudu de su servítziu
COVID manager fatu po assigurai chi su servítziu si fetzat in totu siguresa po is operadoris e is umperadoris.